Costas Maireachtála

Tá costas níos ísle maireachtála, praghsanna níos ísle réadmhaoine agus sár-roghanna gairme againn.

Tá an réadmhaoin níos saoire, agus mar sin de, is saoire na morgáistí i Réigiún an Iarthair, tá na costais chúram leanaí níos inacmhainne agus faigheann tú níos mó ar do euro faoi choinne nithe ríthábhachtacha eile, fearacht gnáthearraí grósaeireachta.

• Idir €242,000 i gCathair na Gaillimhe agus €154,000 i gContae Ros Comáin is ea an meánphraghas ar réadmhaoin nua in Iarthar na hÉireann. Is ionann é agus €306,000 i gCathair Bhaile Átha Cliath.
• €144 sa tseachtain iad meánchostais chúram leanaí lasmuigh de Bhaile Átha Cliath, i gcomórtas le €192 sa tseachtain don tseirbhís chéanna i mBaile Átha Cliath.
• Ar an meán, bíonn an mheánsiopadóireacht faoi choinne earraí grósaeireachta in aghaidh na seachtaine 14% níos saoire taobh amuigh de Bhaile Átha Cliath dar le figiúirí na Príomh-Oifige Staidrimh.

Ag brath ar an gcineál earnála atá faoi thrácht, is féidir le tuarastail san Iarthar bheith níos ísle ná tuarastail i mBaile Átha Cliath corruair as na feidhmeanna céanna.  Ar a shon sin, is saoire an bunchostas san Iarthar agus gabhann anrud tairbhí nós maireachtála leis as saol in Iarthar na hÉireann. 

Cuireann staitisticí in iúl gur saoire bia agus deoch anseo ná mar atá siad i mBaile Átha Cliath – 24% níos saoire é pacáiste de na slisíní droma is fearr le haghaidh bricfeasta friochta maidin Dé Domhnaigh agus tá mála 10kg prátaí breis agus 6% níos saoire. Fiú cosnaíonn pionta leanna duibhe 9% níos lú. Tá tú in ann airgead a spáráil nuair a thugann tú cuairt ar an ngruagaire – cosnaíonn ní, gearradh agus séidtriomú do mhná 23% níos saoire agus tig le fir a oiread suntasach agus 47% a shábháil chun bearradh cúil agus taobhanna gearra a fháil.

 Foinse: Anailís Dhébhliantúil Mheánphraghais an CSO ar Phraghsanna Tomhaltóra: Baile Átha Cliath agus Lasmuigh de Bhaile Átha Cliath, Bealtaine 2009.