Tacaíochtaí

Is é ár nGnó Cabhrú le do Ghnólacht

Dúshlán de shíor atá i dtús a chur le gnólacht, ach ní gá duit dul i ngleic leis an dúshlán seo leat féin san iarthar. Tiocfaidh tú ar thacaíochtaí iontacha anseo don uile ghnólacht agus earnáil de gach méid.

• Is ní an-mhealltach é ráta íseal cáin chorparáide na hÉireann (12.5%)
• Ní bheidh ar chuideachtaí nua cáin a íoc ar feadh trí bliana i ndiaidh bhuiséad 2008.
• Is ann do spreagthaí breise le haghaidh gnólachtaí san iarthar.

Tá réime fairsing tacaíochta agus maoinithe ann, ag brath ar an áit a bhfuil tú lonnaithe;

• Is féidir le gnólachtaí i Réigiún na Teorainn, Lár Tíre agus an Iarthair (Réigiún an BMW) leibhéil bhreise de chúnamh stáit a fháil.
• Baineann rátaí fabhracha le cúnamh a fhaightear ó Fhiontraíocht Éireann, ó IDA Éireann nó ó na Boird Fiontar Contae agus Cathrach, i measc grúpaí eile.
• Tig le gnólachtaí i gContae an Chláir sainchúnamh a fháil ó Fhorbairt Shionainne.
• Tá gnólachtaí i gceantair Ghaeltachta i dteideal cúnamh a fháil ó Údarás na Gaeltachta.
• Ina theannta sin, tá rochtain ar fáil ag gnólachtaí atá ag bunú agus atá lonnaithe i ngar don Teorainn (le Tuaisceart Éireann) ar réimsetionscnaimh trasteorann.

Is lámh chúnta duit súil a chaitheamh ar na nithe a leanas, ag brath ar do thionscal;

• Cuideachtaí LEADER
• Comhpháirtíochtaí Ceantair Áitiúil
• Teagasc
• Fáilte Éireann
• Bord Iascaigh Mhara
• An Bord Bia

Ciste Leithleach le haghaidh Chontaetha an Iarthair: Ciste Infheistíochta an WDC

Foinse leithleach airgeadais a chuireann caipiteal ar fáil do ghnólachtaí agus d’fhiontair phobail é Ciste Infheistíochta Choimisiún Forbartha an Iarthair (WDCIF). Is éard a d’fhéadfadh bheith i gceist tionscadail nua nó tionscadail ar a bhfuil fairsingiú ag teacht. Déanann Ciste Infheistíochta an WDC infheistíocht i dtionscadail atá slán i dtaobh cúrsaí tráchtála a shíleann an WDC go bhfuil dea-chumas borrtha acu.

• Déanann an WDC infheistíocht ar bhonn tráchtála trí mheán gnáthchaipiteal scaire, caipiteal scair thosaíochta, agus iasachtaí (nó trí mheascán díobh seo).
• Ní chuireann sé cúnamh deontais ar fáil.
• Téimid sa tóir ar thoradh infheistíochta airgeadais chomh maith le tairbhe shóisialta a rachaidh chun leasa an réigiúin, ar nós cáilíocht fheabhsaithe beatha trí sheirbhísí agus trí thaitneamhachtaí a sholáthar, agus trí phoist nua a chruthú nó trí phoist reatha a inbhuanú.

Tá fáil ar na sonraí uile agus ar fhoirm iarratais ag www.wdc.ie