Struchtúr Fostaíochta

Go luath in 2009 bhí 342,000 duine fostaithe i Réigiún an Iarthair, agus léiríonn seo méadú 26% ó 2000.

Tá mórathruithe tagtha ar an struchtúr fostaíochta i Réigiún an Iarthair le deich mbliana anuas: ollbhorradh, agus meath ar fhostaíocht tógála dá éis; fairsingiú fostaíocht seirbhíse, go háitiúil agus go hidirnáisiúnta; borradh ar sheirbhísí dlútheolais; agus dífhostaíocht le déanaí ar a bhfuil breisiú ag teacht. D’fhoilsigh an WDC Obair san Iarthar: Dúshlán Fostaíochta agus Dífhostaíochta Réigiún an Iarthair (‘Work in the West: The Western Region’s Employment & Unemployment Challenge’) i Nollaig 2009 ina ndéantar scrúdú sonrach ar phatrúin fostaíochta sa réigiún.

Fostaíocht de réir earnála in 2009, Réigiún an Iarthair agus an Chuid Eile den Stát

Ba í an earnáil phoiblí an earnáil ba mhó fostaíochta tráth luath in 2009 (sláinte, oideachas, riarachán poiblí) (26%), agus tionscal ina dhiaidh seo (14%), mórdhíol agus miondíol (13%) dá éis seo, ansin tógáil (10%), seirbhísí dlútheolais (10%) agus talmhaíocht (8%). Tá athrú le sonrú ar an struchtúr fostaíochta sa réigiún i gcomparáid leis an struchtúr sa chuid eile den stát ar roinnt bealaí, feic an graf:

(Íoslódáil PDF ardtaifeach den ghraf seo anseo):

Foinse: Suirbhé Ráithiúil Náisiúnta ar Theaghlaigh an CSO, Ráithe 1 2009

Fostaíocht de réir Earnála Réigiún an Iarthair 2004, 2009

Tháinig athrú suntasach ar an líon daoine a bhí fostaithe i ngach earnáil i Réigiún an Iarthair idir 2004 agus 2009. Bhí meath le sonrú ar thalmhaíocht, ar thógáil agus ar thionscal, agus bhí méadú le sonrú ar an uile earnáil seirbhíse.

(Íoslódáil PDF ardtaifeach den ghraf seo anseo):

Foinse: Suirbhé Ráithiúil Náisiúnta ar Theaghlaigh an CSO, Ráithe 1 2009

Fostaíocht i gCuideachtaí Cuidithe

Tugtar achoimre ar fhostaíocht de réir gach contae den réigiún thíos. Chomh maith leis an athrú ó 2000 go 2008. Déanann seo tagairt d’fhostaíocht i gcuideachtaí a fuair cuidiú ó phríomhghníomhaireachtaí forbartha an stáit (Fiontraíocht Éireann, an IDA, Forbairt Shionainne agus Údarás na Gaeltachta). Ní áirítear sna figiúirí seo cuideachtaí lena dtacaíonn Boird Fiontar Contae.

Fostaíocht Bhuan Lánaimseartha i gcontaetha san iarthar i gCuideachtaí Cuidithe, 2000, 2008

Foinse: Suirbhé Bliantúil ar Fhostaíocht Forfás 2008