RASLRES – Réitigh fuinnimh in-athnuaite a fhorbairt do cheantair thuaithe

RASLRES – Réitigh fuinnimh in-athnuaite a fhorbairt do cheantair thuaithe

Tá an cuardach d’fhoinsí fuinnimh inbhuanaithe, nach dtéann chun aimhleasa an chomhshaoil, mar ábhar dianstaidéar le deich mbliana anuas. Is bunspreagthóir atá i soláthar fuinnimh ar phraghas réasúnach, atá slán, sábháilte agus glan le haghaidh fás agus iomaíochas geilleagrach, agus caighdeáin beatha a chothabháil. Tá tábhacht straitéiseach do thíortha ag baint le forbairt agus úsáid acmhainní nádúrtha in-athnuaite mar fhoinsí breosla i mbainistiú acmhainní breosla do na glúine atá le teacht.

Níos luaithe inniu, sheol an tAire Tony Killeen, T.D. tionscadal bithfhuinnimh RASLRES a scrúdaíonn agus a threoraíonn roinnt cur chuige le dul i ngleic leis an iliomad bacainní i dtreo fuinneamh in-athnuaite a chur ar fáil i gceantair thuaithe. Áiríodh leis na réitigh a beartaíodh comhpháirtithe nua comhoibríocha idir soláthróirí agus táirgeoirí breoslaí in-athnuaite agus úsáideoirí deiridh nó tomhaltóirí trí thaighde agus treorú tionscnaimh ar leith: ag breisiú ról agus tionchar chomhlachtaí na hearnála poiblí trí athchóiriú beartais, réitigh thráchtála inbhuanaithe a aimsiú le haghaidh úsáideoirí deiridh agus soláthróirí/próiseálaithe agus cláir sheirbhíse chomhairleacha a fhorbairt agus rannpháirtithe a chumasú chun na scileanna riachtanacha a fháil chun forbairtí margaidh a chur i bhfeidhm agus a spreagadh.

Ag labhairt inniu ag seoladh RASLRES, dúirt Christopher Páirc, rúnaíocht Chlár Forimill Thuaidh (NPP), “Tá áthas ar choiste monatóireachta an chláir tacú le RASLRES mar thionscadal straitéiseach laistigh de réigiún an NPP. Is tionscadal fuinneamh in-athnuaite atá in RASLRES a chuidíonn leis an NPP dul i ngleic le príomh-shaincheisteanna, cosúil le deiseanna fiontair nua a fhorbairt agus inbhuanaitheacht na bpobal tuaithe. Táimid ag súil go mbeidh athrú seasta de bharr RASLRES do na pobail rannpháirteacha, gnólachtaí aonair agus ar fud réigiún níos leithne an NPP. Ina dhiaidh sin, cuirfidh sé múnla ar fáil don NPP le haghaidh borradh agus forbairt leanúnach ar an earnáil fuinnimh in-athnuaite ar fud réigiún an NPP.”

Céard é RASLRES?

Is tionscadal ilnáisiúnta Eorpach bithfhuinnimh atá in RASLRES, arna maoiniú ag an gClár Forimill Thuaidh, a úsáideann acmhainní áitiúla agus daoine áitiúla chun réiteach iomlán a chur ar fáil le haghaidh fuinneamh in-athnuaite trí réimse teicneolaíochtaí fuinnimh in-athnuaite agus breoslaí bithmhaise lena n-áirítear adhmad, cuiscreach agus bithmhais mhara. Is é príomhchuspóir an tionscadail úsáid agus roghnú réitigh fuinnimh in-athnuaite a ghintear go háitiúil a mhéadú i gceantar an NPP.

Is comhpháirtíocht idirnáisiúnta atá in RASLRES faoi threorú Choimisiún Forbartha an Iarthair, Éire mar aon le comhpháirtithe: Action Renewables, Tuaisceart Éireann, RA; Environmental Research Institute, North Highland College, Albain; Bardasacht Norsjö, an tSualainn; Oceanrainforest Ltd, Oileáin Fharó agus VTT, Technical Research Centre, an Fhionlainn.

• Le linn thréimhse an tionscadail, bainfidh RASLRES amach na nithe seo a leanas:  

• Breoslaí adhmaid agus bithmhais mhara a bhunú mar mhalairt inmharthana do bhreoslaí iontaise, trí mhalairt fhíoriomaíoch ar chostas a dhéanamh díobh i gceantar an NPP

• Feasacht a neartú ar dheiseanna le haghaidh pobail tuaithe le bithmhais (adhmad, feamainn agus barra fuinnimh) a tháirgtear go háitiúil a tháirgeadh agus a sholáthar do bhailte agus do chathracha

• Tacaíocht forbairt gnó a sholáthar do phobail tuaithe a tháirgeann bithmhais

• Slabhraí soláthair bithmhaise a fhorbairt trí ghnó díreach agus idirchaidreamh pobail

• Malartú trasnáisiúnta eolais, saineolais, teicneolaíochta agus modheolaíochtaí a fhorbairt le haghaidh forbairt foinsí fuinnimh in-athnuaite i gceantar an Fhorimill Thuaidh

• Múnlaí dea-chleachtais ghnó a fhorbairt a spreagfaidh borradh in earnáil an fhuinnimh in-athnuaite thar réigiúin chomhpháirtithe

• Neamhspleáchas agus inbhuanaitheacht a chur chun cinn laistigh de cheantair thuaithe chun poist áitiúla a chruthú do na glúine atá le teacht

• Cuidiú leis an Rialtas a spriocanna chun astuithe CO2 a laghdú a bhaint amach

Tionchar an Tionscadail

Tá an cumas ag tionscadal RASLRES an tionchar geilleagrach seo a leanas a bhaint amach i Réigiún Iarthar na hÉireann faoin mbliain 2020, trí tháirgeadh fuinnimh in-athnuaite:

Soláthróidh fuinneamh in-athnuaite (ó adhmad) 11% de riachtanais teasa an réigiúin faoin mbliain 2020

• Beidh tionchar chun tosaigh aige seo chun an t-ioncam réigiúnach a ardú €15 mhilliún sa bhliain

• Cruthófar 900 post laistigh den earnáil fuinneamh adhmaid agus gnólachtaí bainteacha sa mhúnla slabhra soláthair

• Bainfidh Éire amach 619,000 tonna i gcoigiltis CO2 sa bhliain

Ag labhairt níos luaithe inniu ag seoladh an tionscadail, dúirt Ian Brannigan, Bainisteoir Forbartha Réigiúnaí an WDC agus Ceannaire Tionscadail RASLRES; “Tá an-áthas ar an WDC bheith ag stiúradh thionscadal RASLRES a théann chuig croílár an phobail áitiúil trí acmhainní agus daoine áitiúla a úsáid chun réiteach iomlán a thabhairt maidir le fuinneamh in-athnuaite.  Spreagfaidh an tionscadal borradh in earnáil an fhuinnimh in-athnuaite, a rachaidh chun tairbhe na bpobal áitiúil trína neamhspleáchas agus a n-inbhuanaitheacht a chur chun cinn agus trí phoist áitiúla a chruthú do na glúine amach romhainn.”

Lean Brannigan ar aghaidh, “Táimid lánsásta leis an dul chun cinn go dtí seo leis na céimeanna píolótacha a fhorbraíonn múnlaí gnó um dea-chleachtas chun borradh a spreagadh in earnáil an fhuinnimh in-athnuaite ní amháin in Éirinn ach ar fud na réigiún comhpháirtithe.”  a dúirt Brannigan mar fhocal scoir.