Foilseacháin a Ordú

2009 - An tIarthar Cruthaitheach - Earnáil na Cruthaitheachta i Réigiún an Iarthair

Tagraíonn earnáil na cruthaitheachta do ghnólachtaí cosúil le healaíona, ceardaíocht, dearadh, forbairt bogearraí, ailtireacht agus déantús scannán, atá bunaithe ar dhaoine cruthaitheacha chun earraí agus seirbhísí bunaidh a chruthú. Tá leagáid láidir chruthaitheach i Réigiún an Iarthair agus scrúdaíonn An tIarthar Cruthaitheach méid agus tábhacht earnáil na cruthaitheachta i Réigiún an Iarthair, na príomh-shaincheisteanna d'fhiontar san earnáil agus déantar moltaí ann chun an earnáil a mhéadú amach anseo.

2009 - Taighde Cúlra ar Earnáil na Cruthaitheachta i Réigiún an Iarthair

Tagraíonn earnáil na cruthaitheachta do ghnólachtaí cosúil le healaíona, ceardaíocht, dearadh, forbairt bogearraí, ailtireacht agus déantús scannán, atá bunaithe ar dhaoine cruthaitheacha chun earraí agus seirbhísí bunaidh a chruthú. Tá taighde cuimsitheach bonnlíne sa tuarascáil seo ar earnáil na cruthaitheachta i Réigiún an Iarthair agus cuireann sé sonraí cúlra ar fáil do thuarascáil an WDC An tIarthar Cruthaitheach: Earnáil na Cruthaitheachta i Réigiún an Iarthair.

2008 - Straitéis um Fhuinneamh Adhmaid Leagan Iomlán

Cuireann an tuarascáil seo faisnéis chúlra agus anailís mhionsonraithe ar fáil ar ar bunaíodh Achoimre na Straitéise um Fhuinneamh Adhmaid. Cuireann an tuarascáil faisnéis bhreise ar fáil ar na codanna éagsúla den Achoimre lena n-áirítear ionchais mhargaidh, measúnú acmhainne, cásanna agus spriocanna, bacainní d'fhorbairt, agus gníomhartha molta faoin straitéis.

2008 - Múnlaí Fiontar Pobail um Fhuinneamh Adhmaid Leagan Iomlán

Is tuarascáil tionscadail mhionsonraithe atá sa tuarascáil seo ar ar bunaíodh Fuinneamh Adhmaid agus Fiontar Pobail, Treoir. Leagann an tuarascáil tionscadail iomlán anailís chúlra amach e.g. torthaí suirbhéanna, mar aon le faisnéis bhreise ar shlabhraí soláthair fuinneamh adhmaid agus samplaí de thionscadail.

2008 - Tionchar Geilleagrach na Straitéise um Fhuinneamh Adhmaid Réigiúnaí

Leagann an tuarascáil seo amach an tionchar geilleagrach ón mborradh san earnáil fuinneamh adhmaid arna leagan amach in Achoimre na Straitéise um Fhuinneamh Adhmaid. Áirítear sna tuarascálacha anailís chúlra do na tosca geilleagracha a ndearnadh measúnú orthu lena n-áirítear: oll-bhreisluach sa bhliain; tionchair fostaíochta (éifeachtaí tógála agus breosla adhmaid); luach an chúitimh charbóin agus an méid a chuireann sé le spriocanna athraithe aeráide náisiúnta; nó tionchair gheilleagracha eile a meastar bheith suntasach.

2008 - Achoimre na Straitéise um Fhuinneamh Adhmaid

Cuireann an tuarascáil seo Straitéis um Fhuinneamh Adhmaid agus Plean Gníomhaíochta ar fáil do Réigiún an Iarthair. Choimisiúnaigh an WDC le tacaíocht ón nGrúpa Comhairleach Réigiúnach um Fhuinneamh Adhmaid an taighde margaidh seo agus stiúir siad forbairt na straitéise agus an phlean gníomhaíochta bunaithe ar phróiseas sainchomhairliúchán tionscail. Déantar measúnú sa tuarascáil ar chumas na hacmhainne breosla adhmaid, déantar anailís ar dheiseanna margaidh sa réigiún, tugtar meastacháin ar spriocanna réigiúnacha agus cuireann sé i láthair na gníomhartha a theastaíonn chun an ráta borrtha féideartha a bhaint amach. Scrúdaíonn sé freisin an tionchar geilleagrach ón mborradh sa mhargadh fuinneamh adhmaid.

2008 - Aguisín Achoimre na Straitéise um Fhuinneamh Adhmaid

Áirítear san aguisín leis an Straitéis um Fhuinneamh Adhmaid léarscáil den acmhainn foraoiseachta príobháidí i Réigiún an Iarthair agus léarscáileanna contae aonair den acmhainn foraoiseachta príobháidí i gcontaetha Dhún na nGall, Shligigh, Mhaigh Eo, Ros Comáin, Liatroma, na Gaillimhe agus an Chláir. Chuir Seirbhís Foraoiseachta na Roinne Talmhaíochta, Iascaigh agus Bia na léarscáileanna i dtoll a chéile.

2008 - Fuinneamh Adhmaid agus Fiontar Pobail, Treoir

Déantar athbhreithniú sa treoir seo ar na deiseanna d'fhiontar pobal-bhunaithe san earnáil fuinneamh adhmaid. Tá an treoir bunaithe ar an bhfaisnéis a bailíodh i rith comhthionscadail de chuid an WDC agus Údarás na Gaeltachta. Cuireann an tuarascáil tionscadail faisnéis phraiticiúil ar fáil ar shlabhra soláthair an bhreosla adhmaid agus áirítear ann trí shampla tionscadail. Breathnaítear ar na saincheisteanna seo a leanas: margaí féideartha; teicneolaíocht bhainteach; struchtúr costais shlabhra soláthair an bhreosla adhmaid; agus príomhcheisteanna le cur más mian le do phobal bheith páirteach san earnáil. Moladh an tionscadal seo faoin Straitéis um Fhuinneamh Adhmaid.

2008 - Fuinneamh Adhmaid agus Údaráis Áitiúla: Cás-Staidéar Dhún na nGall

Cuirtear síos sa tuarascáil tionscadail seo ar thaithí Rannóg Pobail agus Fiontair Chomhairle Contae Dhún na nGall, ag oibriú i gcomhthéacs an Bhord Forbartha Contae, le tacú le borradh san earnáil fuinneamh adhmaid áitiúil. Rinneadh measúnú sa tionscadal seo ar na tairbhí agus torthaí féideartha de bharr rannpháirtíocht an údaráis áitiúil san earnáil fuinneamh adhmaid, agus cuireann sé síos ar ról na n-údarás áitiúil i dtacú le borradh an mhargaidh seo. Moladh an tionscadal seo faoin Straitéis um Fhuinneamh Adhmaid.

2008 - Measúnú ar Chumas Margaidh CHP i Réigiún an Iarthair

Cuireann an tuarascáil seo anailís ar fáil ar chumas margaidh do bhithmhais Chumhachta is Teasa in Éineacht (CHP) i Réigiún an Iarthair, agus leagtar amach ann na tairbhí féideartha geilleagracha agus sóisialta a d'fhéadfaí a fháil as forbairt na hearnála. Cuireann an taighde seo faisnéis phraiticiúil mhargaidh CHP ar fáil do na hearnálacha poiblí agus príobháideacha, agus déantar athbhreithniú ar na saincheisteanna seo a leanas: measúnú teicneolaíochta; próifíl mhargaidh; tosca a mbíonn tionchar acu ar fhorbairt; agus tairbhí féideartha ó bhorradh margaidh. Moladh an taighde seo faoin Straitéis um Fhuinneamh Adhmaid.

2007 - Pobail agus Fuinneamh In-athnuaite - Treoir

Is treoir atá anseo do phobail atá ag smaoineamh ar bheith páirteach i dtionscadal fuinnimh in-athnuaite. Tugann sé treoir do phobail atá ag féachaint ar infheistiú a dhéanamh i dtionscadal fuinnimh in-athnuaite nó ceann a bhunú. Tugann an treoir léargas d'fhorbróirí príobháideacha maidir le tacaíocht an phobail áitiúil a fháil chun tionscadal a bhunú, agus beidh an treoir seo úsáideach do dhéantóirí beartais chun na rudaí a theastaíonn chun rannpháirtíocht an phobail san earnáil a spreagadh a shainaithint. Tá an treoir bunaithe ar chás-staidéar ar thionscadal fuinneamh gaoithe i gContae Mhaigh Eo. Ba ghníomh leantach a bhí sa tionscadal ó fhoilsiú na tuarascála Breith ar an nGaoth (2004).

2007 - Forbairt Fuinneamh Adhmaid i Réigiún an Iarthair

Is staidéar bonnlíne atá sa tuarascáil taighde seo ar chumas fuinneamh adhmaid i Réigiún an Iarthair. Déantar athbhreithniú ann ar na saincheisteanna a bhaineann le húsáid fuinneamh adhmaid agus a chumas sa réigiún lena n-áirítear acmhainn bhreosla, deiseanna margaidh agus bacainní d'fhorbairt. B'ionann an tuarascáil seo agus deireadh na céime taighde agus sainchomhairliúcháin a rinne an WDC. Úsáideadh an taighde seo mar chuid de bhunachar eolais chun an Straitéis Fuinneamh Adhmaid a dhearadh.

2006 - Múnlaí d'Fhorbairt Tuaithe

Leagann an tuarascáil seo amach ar bhonn céime ar chéim cur chuige nuálach d’Fhorbairt Tuaithe a chuir an WDC i bhfeidhm go rathúil thar réimse earnálacha i Réigiún an Iarthair. Leagtar an Múnla amach trí dhá chás-staidéar, ceann ó earnáil na hagraibhia orgánaí agus an ceann eile ó earnáil na turasóireacht tuaithe. Tá sé i gceist gur treoir tagartha phraiticiúil a bheadh sa tuarascáil seo do chleachtóirí forbartha, grúpaí pobail agus/nó gníomhaireachtaí forfheidhmithe, a bhfuil meas acu ar phrionsabail an chomhpháirtithe, an tsainchomhairliúcháin agus na forbartha inbhuanaithe agus ar mian leo rannpháirtíocht nuálach agus Múnla réamhghníomhach d�Fhorbairt Tuaithe a chur i bhfeidhm.

2004 - Breith ar an nGaoth - Cumas d'Úinéireacht Phobail Feirmeacha Gaoithe in Éirinn

Tá ceann de na hacmhainní fuinnimh is cumasaí, nach bhfuil in úsáid go fóill in aon áit san Eoraip le fáil in Éirinn - fuinneamh gaoithe. Tá sé ar cheann de na hearnálacha a bhfuil mórbhuntáiste iomaíoch ag Iarthar na hÉireann ann thar aon réigiún eile san Eoraip. Leagadh amach an staidéar chun cumas d'úinéireacht phobail feirmeacha gaoithe in Éirinn a fhiosrú.