Seoladh tionscnamh gréasáin LookWest.ie in 2004 chun na buntáistí a bhaineann le cónaí, oibriú agus gnó a dhéanamh i Réigiún an Iarthair a chur chun cinn.  Is acmhainn fhíor-riachtanach atá sa suíomh gréasáin a sholáthraíonn naisc agus faisnéis do na daoine sin atá ag smaoineamh faoi bhogadh go dtí an tIarthar agus leathanach gréasáin ann do gach contae sa Réigiún.  

• Tá cóir a bheith 700,000 cuairt ar shuíomh gréasáin LookWest.ie go dtí seo agus tá méadú ag teacht ar an líon daoine a thugann cuairt air gach bliain.  
• Bhí méadú 26% ar líon na gcuairteanna ar an suíomh gréasáin ón mbliain seo caite – b’ionann é seo agus meán de bheagnach 20,000 cuairteoir ar an suíomh in aghaidh na míosa, rud a léiríonn go bhfuil suim ag daoine anois, níos mó ná riamh, i bhfoghlaim faoi Réigiún an Iarthair agus a bhfuil le fáil ann.
• Go suntasach, tá os cionn 4,500 duine tar éis an Clár Scileanna agus Fiontair a chomhlánú a bhailíonn faisnéis mhionsonraithe maidir le scileanna, oideachas agus cáilíochtaí na ndaoine a bhfuil suim acu bogadh siar.  Is faisnéis luachmhar í seo a cheadaíonn don WDC próifíl a thógáil den fhórsa saothair atá ar fáil.  
• Cuireadh Eolaire Réigiúnach Cuideachtaí le LookWest.ie in 2008 – bunachar sonraí ar líne os cionn 11,000 gnólacht réigiúnacha – is tagairt iontach atá ann do ghnólachtaí, gníomhaireachtaí agus daoine atá ag cuardach post araon.

Trí thionscnamh LookWest.ie tá EXPO LookWest.ie (2006-08) bunaithe agus reáchtáilte ag an WDC – imeacht bliantúil a bhíonn ar siúl i mBaile Átha Cliath chun gnólachtaí agus eagraíochtaí san Iarthar a éascú chun bualadh le daoine a bhfuil suim acu bogadh go dtí an réigiún.  Faoi bhrat LookWest.ie, tá sraith feachtais ilmheáin eagraithe ag an WDC le gníomhaireachtaí stáit, gnólachtaí agus údaráis áitiúla chun feasacht a ardú ar an réigiún.

Tá LookWest.ie ag obair faoi láthair chun naisc a fhorbairt agus dul i ngleic le pobail Diaspóra na hÉireann lena chinntiú go bhfuil Réigiún Iarthar na hÉireann lonnaithe in áit  iomaíoch sa mhargadh domhanda.