Chinn foireann LookWest.ie in 2009 gur theastaigh uathu níos mó a chur san áireamh agus nasc a dhéanamh lena gcuid rannpháirtithe ar bhealaí úra sa bhreis ar an suíomh gréasáin.  Cuireadh straitéis agus plean feachtais i dtoll a chéile.

Ba é ba chuspóir leis an bhfeachtas úsáideoirí nach raibh feasach orainn, ach lena mbainfeadh tábhacht le teachtaireacht LookWest.ie, a chur ar an eolas.   I measc spriocanna an fheachtais bhí siad seo a leanas:

• Tairbhe a chur ar fáil d’úsáideoirí trí iad a nascadh le faisnéis, gníomhaíochtaí, grúpaí, deontais agus le tionscnaimh a d’fhéadfadh iad a chur ar bhealach a leasa.
• É a chur ar chumas úsáideoirí rochtain a fháil ar na gréasáin agus ar an teacht le chéile réigiúnach a d’fhéadfadh lámh chúnta a thabhairt dóibh teagmhálaithe a chur le chéile, gníomh a bheadh cabhrach le bogadh chuig an réigiún a éascú. 
• An mheanma dhearfach agus chruthaitheach atá sa réigiún a chur in iúl.
• Na tairbhí lena mbaineann cónaí san Iarthar a léiriú agus dul i ngleic le saincheisteanna go hionraic i gcomhthráth.
• Idirghníomhú lenár gcuid úsáideoirí agus cluais a thabhairt dóibh chomh maith le plé a dhéanamh ar aon smaointe nó saincheisteanna a thugann siad chun solais.

Tá dhá lucht leanta ag LookWest.ie agus tá siad thar a bheith éagsúil óna chéile. Cuirimid faisnéis agus comhairle ar fáil do dhaoine a chónaíonn i Réigiún Iarthar na hÉireann nó a bhfuil sé ar intinn acu bogadh ann.  Ina theannta sin, cuirimid faisnéis agus tacaíocht ar fáil le fiontar agus le gnó a mhealladh chun an réigiúin.  Ba ghá dúinn na bealaí atá againn cumarsáid a dhéanamh a dheighilt óna chéile le haghaidh an dá lucht éagsúla leanta atá againn bunaithe ar dhéimeagrafaic agus ar phróifíl gach bealaigh.

Ba iad na bealaí nua ar glacadh leo:

• Nuachtlitir ar Ríomhphost: Bainimid leas as seo le faisnéis réigiúnach ábhartha agus thráthúil a chur ar fáil dár rannpháirtithe pearsanta agus fiontair araon.
• Facebook: Bealach atá in Facebook, go príomha, le cumarsáid a dhéanamh lenár rannpháirtithe pearsanta. Díríonn Facebook ar an spraoi, agus ar nithe suimiúla agus sóisialta a bhaineann le bheith i do chónaí i Réigiún Iarthar na hÉireann.
• Twitter: Baineann Twitter lenár dá lucht leanta agus tá faisnéis ann mar aon le naisc le hailt agus le himeachtaí. Ina theannta sin, déanaimid rath áitiúil a cheiliúradh ar Twitter.
• LinkedIn: Dírítear go mór ar lucht leanta ár bhfiontair, agus bainimid leas as le nuacht agus le beartas ag a mbíonn tionchar ar ghnó a dhéanamh sa réigiún a thabhairt chun solais.
• YouTube: Tá ábhar ar YouTube lena mbaineann fístéip de chás-staidéir a bhaineann leis an dá lucht leanta araon.

I ndiaidh beagán de bhreis ar shé mhí, tá 1,069 lucht leanta againn ar Facebook, 400 lucht leanta ar Twitter mar aon le 106 úsáideoir ar LinkedIn.  Bhí aiseolas ó úsáideoirí chomh maith le sonraí anailíseacha Google an-dearfach.

Is léir dúinn an méid a leanas:

• Is iad is mó atá i ndéimeagrafach lucht leanta LookWest Bord Cósta Oirthear na hÉireann chomh maith le Diaspóra SAM/RA na hÉireann. 
• Is iad na tíortha ina bhfuil an líon is mó lucht leanta Éire, SAM agus an RA, san ord sin. 
• Is iad na cathracha ina bhfuil an líon is mó lucht leanta Baile Átha Cliath, Gaillimh, Luimneach, Manchain agus Londain.
• Is é LinkedIn an cúigiú tagróir is mó a dhéanann daoine a atreorú chuig suíomh gréasáin LookWest i láthair na huaire
  
  • Caitheann na húsáideoirí seo 8.34 nóiméad ag féachaint ar an suíomh gréasáin seo ar an meán
  • Cuirtear é seo i gcomparáid le meánam 2.45 nóiméad ar an suíomh gréasáin
• Is é Twitter an naoú tagróir is mó a dhéanann daoine a atreorú chuig suíomh gréasáin LookWest i láthair na huaire
  
  • Caitheann úsáideoirí Twitter fad breá 3.54 nóiméad ag féachaint ar shuíomh gréasáin LookWest.ie ar an meán