Cás-staidéir ar Chónaí san Iarthar

“Nuair a d’oscail MBNA a n-oifigí anseo tugadh deis dom féin agus do m’fhear céile saol nua a thosú. Tá mé anois ag obair mar chomhordaitheoir earcaíochta do MBNA/Bank of America.

“Tá ár dteach féin againn faoin tuath agus ní bheadh an réadmhaoin i réimse inacmhainne ar chósta Thoir na hÉireann, ná in aon cheantar a bheadh i gcóngaracht comaitéireachta do cheannoifig MBNA Bank of America in Chester."

Is iad na buntáistí a fheiceann Laura praghsanna tí iontacha, dea-chothromaíocht oibre is saol, fad gearr chuig an gcósta ag an Leathros i Sligeach, níos mó ama le chéile, agus níos lú ama ag taisteal chuig an obair agus abhaile. Ceapann sí go bhfuil bia beagán níos daoire ná sa Bhreatain Bheag ach braitheann sí go gcothromaítear é seo de bharr nach n-íocann tú cáin chomhairle ná rátaí uisce a bheadh le híoc aici sa Bhreatain Bheag.

Tá bóithre ar ghearrliosta Laura de mhíbhuntáistí an Iarthair ach taitníonn sé léi go bhfuil feabhas ag teacht ar roghanna siopadóireachta i gcónaí. “Mar aon leis na háiseanna taitneamhachta fóillíochta agus sóisialta i mo cheantar áitiúil, tá suim mhór agam i dtonnmharcaíocht agus tá sé iontach bheith chomh gar seo don Leathros. Ó bhogamar chuig Iarthar na hÉireann, tá seanteach álainn ceannaithe againn agus neart talún, rud a theastaigh uainn le fada. Is rud é seo nach mbeimis in ann a dhéanamh dá bhfanfaimis sa Bhreatain Mhór.

Tá buntáistí agus míbhuntáistí ag baint leis ach, ina iomláine, tá an saol san Iarthar i bhfad níos réchúisí agus níl mórán strus ann, ní dóigh linn go bhfágfaimid riamh.”